Ngayon Matapos ang Kahapon

Sa pagbukas ng pinto ng panibagong yugto ng aking buhay, di ko lubos maisip na magpahanggang ngayon ay kailangan ko nang harapin ang nasa harapan.

Realidad. Katotohang nagaganap.
Suungin ang lalim ng mga bagay-bagay.

Walang kasama, tanging ako lang ang may kakayahan na ito'y harapin. Walang nais tumulong, walang nais mangialam kung kaya't tanging sarili ko lang ang aking panghahawakan.

Matarik ang landasing naghihintay sa akin.
Mas mahirap sa kung ano ang mga naranasan ko noon.
Gusto ko nang sumuko.
Ayoko ng ganito. Naliligaw ako sa sarili kong buhay, sa sarili kong pangarap at teritoryo.

Madilim at masukal ang aking dadadanin.
Walang liwanag at yaong mga matatandang puno lang ang sa aki'y lumiligid.
Tanging iba't ibang huni lang ang nanunuot sa aking mga pandinig.
Walang bakas ng nilalang na maaring makatulong.

Takot.
Ito ang nadarama ko sa ngayon.
Hindi ko alam kung ano ang dapat na gawing simula.

Naghahanap.
Puno ng tanong ang aking kaisipan .
Nanlalabo ang kaliwanagan ng aking balintataw.

Kung maaari lang na ibalik ang nakaraan ngunit wala.

Ngunit biglang naglinaw ang lahat.
Di pala ako nag-iisa.
Natagpuan ko ang aking liwanag.
Tanglaw sa aking lalakbayin.

Nagkaroon ako ng kausap sa panandalian kong pagtahimik.

Salamat po at Ikaw ay nariyan.
Hindi Mo ako iniwan.

Sunday Life

Sunday Life.

Nakakaantok pa. Pano kasi gabi na natulog :D
Matapos ang Saturday Jamming ... Hello Sunday Life naman.
Yung iba jan for sure may hung over pa! haha.

Family Day.

Share your time with them. Makipag-bond!
Ang araw ng linggo ay para sa pamilya.

 OOOPS!

Yayain na din ang pamilya na mag simba ng maaga bago mamasyal.

Alalalahanin Siya, Magpasalamat at manalangin ng taimtim.

At higit sa lahat huwag kalilimutang Ngumiti. Smile :)

Happy Sunday Friend :D

Ui Salamat ha :)

Ilang oras na ba ang nakakalipas?
Mula ng maghiwalay ang taon ng aking buhay.

Salamat! Sa panibagong taon na maibabahagi ko pa.

Ilang minuto na ba ang nakakalipas?
Mula ng matikman ko ang matamis na buhay.

Salamat! Isa na namang panibagong lakas para lumaban sa mga hamon ng buhay.

Ilang segundo na ba ang dumaan?
Simula nang ako'y ngumiti ng walang kasing wagas.

Salamat! Ako pala ay iyong naalala.

Ui Salamat ha :)
Di mo ko nakalimutan ngayong araw na kay halaga sa aking buhay.

Ui Salmat ha :)
Sa effort na ako ay batiin mapa phone call, txt message, e-mail, tweet at post sa fb timeline.

Ui Salamat ha :)
Sa pagiging bahagi ng buhay ko!
Ikaw ang krayolang nagbigay kulay sa mundo ko.
Kahit lagpas lagpas pa yan masaya na ako. Dahil binahagi mo ang oras mo sa isang katulad ko.

Sa lahat ng mga kaibigan, pamilaya maging sa Poong Maykapal ...
Ui Salamat ha :)

Naging espesyal ang pagdiriwang ko ng aking kaarawan.

Balik Eskwela

Hala. Natapos na naman ang bakasyon.
Whats new? Edi Welcome back to school na.

Yung iba tinatamad pa kahit ako din. Haha :)

Kasabay ng masayang pagbubukas ng eskwela ay ang pagiging bukas din sa sandamakmak na requirements at assignments. Ay sus! okay lang yan :) Investment yan. Lahat ng mag aaral dumanas nyan.
Pero aminin... namiss mo din yan nung bakasyon :)

School Days :)

Siguro ito ang kumakain ng pinakamalaking oras sa isang taon ng mga estudyante. Nasa sa iyo kung paano mo ito pagugulungin.

Masaya ba.
May onting tampo
O subsob sa trabaho

Masaya ang buhay ng isang mag aaral. Sure yan! :)

Maka a move. Huwag kang mahiya.

Sa loob ng klasrum eh may iba ibang mukha ka talagang makakasalamuha. Batiin mo! Makipag kaibigan ka. Tandaan sila ang bubuo ng School Days mo. Hindi lang naman yan kasi iikot sa papel, bolpen at lapis. Makijoin ka at maki interact :)

Oh ayan! June na. Simula na ng countdown sa pasukan. Handa ka na ba? Sana.

Wag mo palang kalimutang mag smile :D

para masaya :)

Mag Refresh Tayo!

Mainit. Syempre summer!

Ilang linggo na rin ang nakakalipas nang ipakita ng Nestea ang bagong commercial nito. To be honest, na inlove talaga ako sa video na to. May ibang dulot siya sa tenga ko kapag napapakinggan. Hindi ko rin maintindihan kung bakit parang gumagaan ang kalooban ko kapag naririnig ko kahit na yung kanta lang ng TVC.

Ayon sa aking pagkakaunawa, mayroong tatlong mensahe ang TV Commercial na ito.

Una: I-Refresh ang katawan!

Tama! sa sobrang init ba naman ng summer na ito sino ang gustong manggitata sa pawis? Sino ang gustong manlagkit sa ilalim ng araw? Di ba wala. Pinapaalala lang nito na kailangan nating i-refresh ang katawan upang maibsan ang sobrang init na ating nararamdaman.

Pangalawa: I-Refresh ang Isipan!

Dahil na rin sa kainitan ng panahon madalas nasasabayan ng mainit na ulo! tsk. tsk. Relax lang. Dala na rin siguro ng matinding sikat ng araw ang mga sari-saring pumapasok sa isipan. Kaya hindi lang pala natin dapat irefresh ang katawan idamay mo na rin ang kaisipan para tayo ay hayahay! Haha.

Pangatlo: I-refresh ang Pananaw!

Siguro mayroon na rin itong koneksyon sa pangalawa. Kung refreshed na ang isipan tiyak pati ang pananaw sa buhay magiging maaliwalas. Ang iba laging sinisisi ang init sa kung ano ang nararamdaman nila. Teh! baka summer ngayon?? minsan nawawala kasi tayo sa tamang pag iisip. Naghahanap ng wala! kaya tayo naloloka. Tulad ngayon! Summer. Mainit. Naghahanap ka ng bagyo na kasing lakas ng nararamdaman mo tuwing Hulyo? Ay nako! nakakabaliw nga yan. Summer pa lang teh! Malamang mainit. Kung uulan, ambon lang. Eh ganyan talaga ang buhay.

Sa twing makikita mo ang TVC na yan, sana maalala mo kung ano ang gustong iparating nito. Mag refresh! Kapag ang computer nga bumabagal ni rerefresh mo ikaw pa kaya? Try mo. At siguradong hihiyaw ka sa saya!

Have a Happy Summer Friends :)

Karunungan ka di ba?? IKAW NA!

Karunungan ka???? Yabang...Ganyan naman yan eh...di na namamansin kasi sanay nang isulat sa papel ang section nyang KARUNUNGAN!

ANG YAYABANG!! Eh kasi SECTION 1 ~ >:)

Ouch.

Totoo di ba? simula ng malipat ako sa seksyon one nung ikalawang taon, marahil ang mga katagang yan na ang nais kong burahin sa mundong ibabaw. Eh ano ngayon kung seksyon one? pareparehas lang naman tayo gumagamit ng papel, hindi naman ginto ang tinta ng bolpen namin. Yung teacher nyo nga mas favorite pa kayo kesa samin!

Sa bagay hindi ko rin kayo masisisi.. Eh Karunungan kami eh?

Hindi naman kasi to tungkol sa academic performance ng mga mag aaral. Ipinagmamalaki ko lang at ipinag papasalamat na AKO ay napadpad sa isang MASAYANG PAMILYA!

Yan ang Karunungan: Isang Masayang Pamilya.
Sila ang mga kasamang hindi nakaka umay kahit sila ay umay na umay na sa akin. Masayahin pa rin kahit na halos low blood na at nangangawit na ang batok kakapuyat gabi-gabi, may energy parin.
Dumating pa kani sa punto na natikman namin ang unang itlog sa quiz booklet at kani kanyang labas din ng usok sa bawat butas ng katawan nila. Hayyy ewan, hanggang sa dumating na lang kami sa mga eksenang ..

"Zero ka teh??"

" Of course YES! "

Yan ang Karunungan: Basagan
Yung mga tipong nasa punto na kayo ng pinag uusapan tas sesegue ang isa. Wa Kwents naman.
Kaya kami mapapasabi na lang ng ..

" WEEEEH ??? "

o pag talagang korni ..

" NGANGA! "

Yan ang Karunungan: Madiskarte!
Ewan ko ba..siguro mashado lang talaga kaming fb addict kaya lahat ng forums, echos at mga formats ng requirements lahat nakapost. Aabot pa yan sa puntong magiging chat box na ang comment box kahit Irrelevant na ang topic sa naka post. May mga pangyayari pang nilike nila ang isang reminder na dalhin ang workbook pero pag dating ng kinabukasan siya pa ang nakalimot. Teka ako to ah!

Ah basata going back.

Eto na lang siguro ang masasabi ko sa aking mga family members..ang 4444444444Karunungan!

Maramimng salamat sa lahat. Alam nyo hindi ako makasusulat sa mga blog ko kung hindi dahil sa inyo. Kayo ang bumuo ng buhay hayskul ko. Salamat sa mga karanasang sa inyo ko lang nakita. Sa mga pagdamay na alam kong bukal sa inyong mga puso. Sa mga taong hiningahan<yuck> este hiningian ko ng mga tulong at payo na bumuo sa personang ito. Sorry nga pala ah.. sa bunganga ko, pag iingay, pagkikwento ng malakas at pag iirita sa inyo. Sana balang araw kapag nagkita tayo maalala nyo ako bilang Jude na.. Ay Masayahin yan, Pala kaibigan yan at hindi ang " Ay nakuu...shawy yan!". hahaha

Hayyy naku natalo ko pa ang mga lumilikha ng mga nobela sa watt pad sa haba nito..Pero sana mahal kong karunungan, patuloy pa rin tayong magmahalan at maging isang masayang pamilya kahit tayo ay pinaglalayo ng anu mang pangyayari sa ating buhay.

http://www.youtube.com/watch?v=sZxnPmUtSx0

SALAMAT KARUNUNGAN!!! Mahal ko kayong LAHAT :)

Karunungan ka di ba?? IKAW NA!
Saludo ako sa yo Kaibigang tunay :)

Ungol ng Isang Asong Bulol!

Anong reaksyon mo kapag nakadarama ka ng pagod?? Syempre masakit ang katawan...nagugulumihanan...umiiyak...nagwawala!

Nakaranas ka na ba ng isang matinding pagod???yung tipong lantang lanta ka na pero kailangan mo pa ring tapusin ang iyong ginagawa. Puyat, pagod, gutom...lahat na ng SAKIT dama mo!

Ang pangit pala pag pagod ka noh??? Awwww....aw..aw.

Eh bakit pag may kasama ka hindi ka napapagod??Ay sus! kina-kaya para hindi mapahiya.

Nakakaranas tayo ng iba't ibang pagod sa buhay. Lalo na sa ating mga mag-aaral na talagang bugnog sa kung anu-anog requirements at gawain. Dagdag pasakit pa pag magpapagawa si klasmeyt. Pero kung iisipin, para kanino ba yang tinatrabaho mo? malaking ironya kung sasabihin mong sa srili mo dahil likas sa ating mga tao ang gumawa para sa kapwa. Yung tipong pauunahin muna ang iba bago ikaw. Pero malala ka na kung lagi ong inuuna ang sarili mo sa lahat lahat at kung anu anong bagay.

Awww...aw...aw.

Kung iisipin, ang pagod ay isang pisikal na reaksyaon ng katawan at hindi ng damdamin. Maling sa bihin na napapagod ka ng magbigay, magmahal o kung anu ano pang may konek sa nadarama mo. Aba! talagang mapapagod ka dahil iniisip mo na pagod ka--pisikal man o emosyonal!

STRESSED?? Try mo ang magpahinga kasama ang iyong mga kaibigan.

Ito ang natutuan ko sa 4 na taong pag aaral sa hayskul.. Kapag pagod...wag kang maging alone o ANTI SOCIAL! bumuo ka ng mga karanasang magbibigay sayo ng lakas. Lakas ngumiti, tumawa at makipakwentuhan. Ayan ang magnet na hahalina sayo na tumambay kasama sila.

Ngunit kung tapos na ang oras na kayo ay magkakasama. OO, uungol sa sa kalumbayan pero alam ko paglipas ng panahon, kami kami pa rin ang SABAY SABAY UUNGOL dulot ng kaligayahan ng muling pag sasama-sama.

SALAMAT SA IYO AKING KAIBIGAN! ang nagturo kung paano pawiin ang hapsi ng sakit ng paghihiwalay at sakit ng paglisan.

Katapusan !?

KATAPUSAN-- marahil marami sa atin ang hinihintay ang pagkakataong ito. Masaya??? OO, para sa iba ngunit kung susumahin lahat ng mga pangyayaring nagaganap sa lipunan kasagutan ito para matugunan ang kani-kanilang problema. Aba, nagpapasalamat pa siya dahil katapusan na! Nahalata mo na ba?? Ito ang kiliti ng isang nagtatrabaho na, KATAPUSAN ng buwan. Ito ang araw ng pagsahod nila. Tama! ito nga ang sagot sa kanilang mga problema.

Ngunit para sayo??? ano ang katapusan?

Agaad kong naisip ang salitang PAALAM. Malungkot at lubhang napakasakit isipin ang katapusan. Matapos bumuo ng mga masasayang karanasan bigla nalang papawiin ng isang seremonya. Tama, ang Graduation!

Noon, isa ako sa mga mag aaral na gumagawa lamang ng banner ng CONGRATULATIONS para sa mga magsisipagtapos. Hindi ko lubos maisip na ngayon isa na pala ako sa pinatutungkulan nito. Ako na pala ang magsusuot ng puting toga bukas. Ako na pala ang papalakpakan habang bitbit ang aking diploma. Ako na pala ang kakamayan ng mga pulitiko sa entablado. Masarap isipin noon pero ang mangyari na ang iniisip mo ay nakakapanghilakbot.

Pero bago ang iyakan, nais kong ipabatid sa iyo ang salitang SALAMAT. Sa lahat ng bumuo ng pagkatao ko. Sa iyo na sumuporta sa akin hanggang dulo. Sa lahat ng mga kaibigan kong minahal ako. Sa lahat ng mga guro kong sumubaybay sa paglalakbay ko. Hinding hindi ko malilimutan maski ang paaralang sumaksi sa pagkatao ko at pagbuo ng mga masasayang pangyayari ksama kayo.