Dapat Tama #Eleksyon2013

Naniniwala ako na kailanman ay hindi naging walang alam si Juan
Marunong mamili
Marunong bumatikos
Marunong mag-isip


Naniniwala ako na hindi naging tanga si Juan
Marunong kumilatis
Marunong mangatwiran

HINDI IPINAGBIBILI NI JUAN ANG KANYANG BOTO!

Sa dinami-rami nang pagpipiliang itlog
Alam kong iitiman ni Juan kung ano ang hindi mga bugok.
Mga FRESH, MABANGO, Walang CRACK at MAPUPUTING itlog ang kanyang pinipili
Sumasalamin sa metikulosong pamimili ni Juan

At bago pa madampian ng tinta ng karapatan ang hintuturo nito
Alam niya ang pagbabago na magagawa nang hindi niya pagbebenta ng sagrado niyang boto

Lalong lalo na batid ni Juan
na Dapat Tama!

Tagumpay!

Dahil sa ngayong araw ang pag-ere ng American Idol Finale sa Pilipinas, madama ko kaya uli ang ganitong mga eksena sa American Idol finals.Lalo na'y babae ang magwawagi sa patimpalak ngayon matapos ang limang taon na ang mga nanalo ay ang Five White Guys With a Guitar.
----

I can see it in the stars across the skyDreamt a hundred thousand dreams beforeNow I finally realizeYou see, I've waited all my life for this moment to arrive

And finally I believe, oh yeah, I believe, oh yeah

Sa "highlight" na puti

Siguro, ito na ang isa mga pinakamaikling entry ko rito sa blog na ito. Alam ko ang pangit tingnan ng mga text na may highlight na puti dito. Eh, pano ba naman kasi! kapag ni-Ctrl+C mo pala yang mga titik na yan mula kay fb ganyan ang hitsura. Well, gawaing tamad! :) Salamat pala sa pagbisita at sa pagtatyaga sa mga "shallow" kong akda! Hanggang sa muli :)

Si Hesus na Ekonomista ng Buhay

Friday of the Second Week of Easter 
April 12, 2013


Habang naglalakad sa init ng araw, isang txt message ang bumungad sa aking telepono. Nangungusap ang mga salita nito, sinusubok ang aking pananampalataya.

"Who is Jesus?"

Isang pagtataka ang hindi ko lubos maisip kung bakit ito ang katanungang pumasok sa isip ng kung sinuman ang nagpadala ng mensaheng ito. Habang sa pagbaba ng cusor ng aking cellphone, nakita ko kung paano nito ipakilala si Hesus sa iba'ibang aspeto at disiplina ng pag-aaral. Si hesus sa mundo ng Matematika, si Hesus sa mundo ng Agham ngunit isa ang pumukaw at kumuha ng aking pansin, si Hesus sa mundo ng Ekonomiks.

"Who is Jesus?
In Economics, He fed 5,000 people with 5 loaves of bread and 2 fishes"

Nakakatuwang isipin na sa isang pangyayari sa buhay ng ating Panginoon ay nagawang mai-ugnay pa ang mga bagay na ito sa Kanya.

Madalas, kung papansinin natin isa itong himala. Himala na sa pamamagitan ng kakarampot na pagkain ay may matitira pa matapos pakainin ang limang libong tao. Ngunit sa likod ng kakaibang naganap na ito sa buhay ng ating Panginoon, Siya ay nagpakita rin ng tatlong mahahalagang aral na dapat nating isabuhay.

Una: Magpasalamat
Sa ating ebanghelyo, matapos tanggapin ang mga isda at tinapay, Siya ay nagpasalamat. Isang magandang halimbawa ito para sa atin na dapat nating alalahanin na sa bawat bagay o pagkain na ating natatanggap ay dapat tayong magpasalamat sa Diyos. Kung tayo ay magpapasalamat, tayo ay bibigyan ng higit pa sa ating kinakailangan.

Pangalawa: Magbigay
Ipinakita ng ating Panginoon kung paano natin dapat isabuhay ang pagbibigayan sa bawat isa. Makihalubilo, makibahagi at pakikisama ang isa sa mga mahahalagang bagay na dapat taglayin sa pagbibigayan. Sa pamamagitan nito, natututo tayong alalahanin ang bawat isa sa atin tulad ng pag-alala ni Kristo sa atin.

Pangatlo: Magpahalaga
Siguro, gasgas na gasgas na kung sasabihing dapat hindi tayo magsasayang sapagkat marami sa ating kapwa ang hindi nakakakain. Tama, at ang pangangaral na ito ay patuloy pang magagasgas lalo na't kung hindi natin sisimulang pahalagahan ang kung anuman ang ating natatanggap mula sa Kanya.

Hindi lamang sa pisikal na aspeto kumakatawan ang mga pagkaing inihain ni Kristo para sa limang libong tao noon. Ito ay kumakatawan sa kanyang salita, ang pagkain ng buhay na sa pamamagitan Niya ay ginawa Niya itong bukas para sa ating lahat. Ang pagkain ng buhay na tinatanggap natin mula sa Kanya.

Ako kaya? Hanggang saan ko kayang magpasalamat?
Sa Panginoon na Siyang nagbigay ng lahat.
Sa aking kapwa ng ginagamit Niyang kasangkapan upang ako ay mabigyan.

Hanggang saan ko kaya kayang magbigay?
Kaya ko kayang makita si Kristo sa bawat taong nakakasalubong ko sa daan?
Sa aking kapwa na walang saplot, kailan ko kaya sila mababahagian ng kasuotan?

Paano ba dapat pahalagahan ang lahat ng aking natatanggap?
Iingatan ko ba ito o pababayaan.
Matatapos lang ba ang lahat sa pagbibigay at pasasalamat.

Si Hesus ay nagpakita ng isang halimbawa kung paano maging isang ekonomista ng buhay. Tayo ay may kakayahan din kung paano ang isang maging ekonomista ng buhay na nagmula sa Kanya. Buhay na Kanyang ibinigay na dapat nating pahalagahan at pasalamatan.

ANG REGISTER NG WIKA NG 1Kinse 1213 :))

*****

Ang entry na ito ay Rated SPG: Striktong Patnubay at Gabay ang Kailangan

*****

ANG REGISTER NG WIKA NG 1Kinse 1213 :))

*John Ray- ito yung palibre ka ng palibre or buraot ka :D
Hal: Wow! ang sarap ng Pansit (Combo 1) Pa-John Ray :))

*Angie- ito yung over ka sa pulbo *slash* maputi ang mukha *slash* makapal ang foundation na nakalagay sa mukha (Avon ang tatak)
Hal: BakLa! Angie ba? (sabay turo sa mukha) :))

*Jude- Usual! kapag OA -_-
Hal: HOY! Jumu-Jude ka aaahhh! :P :))

*Ero- Share ng kwento, talak and everything! :D
Hal: Taray! Ume-Ero si Atashinshi! :D

*Shuen- Ano pa nga ba? EDI LATE :) Hihihihi :)
Hal: yari ka kay Prof *i**A !!!! Shuen ka na naman! :) Pak.

*Jovel "Kyawtibar" - kapag mabaho, maalingasaw, may di kaaya-ayang amoy na umiistambay sa nostrils mo :)
***Paglilinaw: hindi porke mabaho ang description dito ay totoong mabaho si Jovel :"> dahil lang ito sa ispesyalisadong salita na "kyawti" na na ngangahulugang "mabaho" :))) na umangkop sa kanyang pangalan :)
(Iwas sa Cybercrime! hehehe :) Hi Jovel1 Miss na kita :DDD peace.)
Hal: Anu yun? ang Jovel ha! :))

*Sasah- maangas, mataray, HARD :))! yun nah! baka mabigwasan ako nito kapag nabasa na nya! HAHAHAHA :)) Hi bes :)
Hal: Grabe ka naman! Sasah ka don! :)

Bahala na kayo sa iba! :)))

Comment na lang sa baba :D HAHAHA XD

tas edit ko na lang :) :)v

Miss you all :)) <3

#Kinse

Paghakbang sa Pagputok ng Sikat ng Araw

Siguro nga sa tinagal-tagal ng hindi ko pagsusulat ay hinanap na ito ng aking pangangatawan. Hindi ko rin masabi kung paano? Ah, basta! Masaya :)

Tigib ng maraming gawain kaya siguro hindi ako nakapagsulat ng marami.

Sa gitna ng maraming gawain na ito, hindi ko alam kung ano ang dapat unahin.

Siguro dapat yung assignments muna, Wag! bakasyon na lang kaya muna o coffee break, water break? Andami ko palang gustong gawin. Nalilito sa kung ano ang dapat kong unahin.

Sabi kasi nila, maikli lang daw kasi ang buhay. Kaya "Live life to the fullest!" Eh paano yun? dapat kong unahin ang isa, yung mas kailangan, paano na ang tunay na nagpapasaya sa akin?

Mainit ang maglakad sa ilalim ng araw. Mangangamoy pawis ka.
Siguro dapat isa-isahin nating kung ano ang tunay na magpapasaya sayo at ang mga dapat na gawin.

Sa bagay ang buhay nga daw ay isang mahabang paglalakbay. Nasa sa iyo na yun kung paano ka maglalakbay.

Stress ba?
Malungkot?
Magulo.
Masaya

o
Wala lang.


Ang kasiyahan ay ang karanasan, hindi ito ang patutunguhan.

Buti pa ang dagat, tahimik lang.

Tanging ang agos at alon lang nito ang nag-iingay. Hindi lang basta ingay, nagbibigay ng musika. Musikang inaawit ng kanyang sarili.

Tayo? kailan natin pakikinggan ang musika ng ating saloobin? Kailan tayo susunod dito upang makamit ang tunay na kadalisayan at katiwasayan tulad ng sa mga ilog at karagatan? Hindi pa kaya huli ang lahat para tumahimik sandali at pansinin ang ingay sa loob natin?

Ang ingay ng kasiyahan. Ang buhay ay nababatay sa kung paano mo ito dadalhin. Dadalhin mo ba ito sa mala-tsunaming alon o sa kalmado na magbibigay tingin sa kung ano ang nasa ilalim nito.

Huli na ba ang lahat?

Alam ko kaya ko pang pakinggan ito. Hindi pa huli ang lahat.

Magsisimula ako sa paghakbang sa pagputok ng sikat ng araw. :)

Ngayon Matapos ang Kahapon

Sa pagbukas ng pinto ng panibagong yugto ng aking buhay, di ko lubos maisip na magpahanggang ngayon ay kailangan ko nang harapin ang nasa harapan.

Realidad. Katotohang nagaganap.
Suungin ang lalim ng mga bagay-bagay.

Walang kasama, tanging ako lang ang may kakayahan na ito'y harapin. Walang nais tumulong, walang nais mangialam kung kaya't tanging sarili ko lang ang aking panghahawakan.

Matarik ang landasing naghihintay sa akin.
Mas mahirap sa kung ano ang mga naranasan ko noon.
Gusto ko nang sumuko.
Ayoko ng ganito. Naliligaw ako sa sarili kong buhay, sa sarili kong pangarap at teritoryo.

Madilim at masukal ang aking dadadanin.
Walang liwanag at yaong mga matatandang puno lang ang sa aki'y lumiligid.
Tanging iba't ibang huni lang ang nanunuot sa aking mga pandinig.
Walang bakas ng nilalang na maaring makatulong.

Takot.
Ito ang nadarama ko sa ngayon.
Hindi ko alam kung ano ang dapat na gawing simula.

Naghahanap.
Puno ng tanong ang aking kaisipan .
Nanlalabo ang kaliwanagan ng aking balintataw.

Kung maaari lang na ibalik ang nakaraan ngunit wala.

Ngunit biglang naglinaw ang lahat.
Di pala ako nag-iisa.
Natagpuan ko ang aking liwanag.
Tanglaw sa aking lalakbayin.

Nagkaroon ako ng kausap sa panandalian kong pagtahimik.

Salamat po at Ikaw ay nariyan.
Hindi Mo ako iniwan.